AF268: 32r

21 “ʿAllam el‑esmāʾ” işāretdür saña
Kim teveccüh qıl müsemmādan yaña

22 Qıl teveccüh līk qılma qīl ü qāl
Fĭ l‑ḥaqīqa bu‑durur künh‑i meʾāl

ḥikāyat‑i mutażammini l‑išārat ba‑dān maʿnā ki // kāmilān har‑kuǧā ki dar nigarand ġayb naguẕārad va hunar nigarand // az har čīzī bi‑lisān‑i ḥāl va ṣifāt‑i šahādat // va ḥiddat ẕāt mī tavān šanīdan čunānča

23 Var‑idi bir mürşid‑i kāmil meger
Çār‑sū seyrin qılub ʿibret deger

24 Gördi bir dellāl ol bāzār‑ărā
“Saʿter‑i berrī” dėyü eyler nidā

25 Saʿter‑i berrī nebātuñ biridür
Nefʿi çoqdur ṣatılursa yėridür

26 Ol nebātı ṣatar‑idi ol kişi
Edviye ṣatmaq‑idi anuñ işi

27 Şeyḫ işitdi saʿter‑i berrī sözin
Nükte fehm ėtdi vü yitürdi özin

28 Düşdi ʿaqlı gitdi başından hemīn
Bir zemāndan ṣoñra devşürdi özin

29 Dėdiler şeyḫā ne qılduñ istimāʿ
Söyle irşāduñdan olsun intifāʿ

30 Dėdi‑kim çün bu kelāmı diñledüm
Lafẓdan maʿnāyı temyīz eyledüm

31 Saʿter‑i berrī dėdi terre‑fürūş
Saʿy qıl eylügümi gör dėr sürūş

32 Gāh bāṭıldan ėder bir ḥaq ẓuhūr
Qalb‑i ʿārif andan ėder kesb‑i nūr

33 Anuñ içün dėdi şāh‑i evliyā
Şīr‑i yezdān ol ʿAlī‑yi mürteżā

34 Kim söze baq söyleyene baqmaġıl
ʿUlvĭ gözle semt‑i süfle aqmaġıl

35 Mest olan cām‑i ʿışq‑i ilāhĭden
Maḥż irşād işidür güm‑rāhdan

36 Nūr‑i ḥaqdan olmasa bīnā baṣar
Siḥr ü ḫudʿa görinür şaqqü l‑qamer

37 Mes̱nevīnüñ evvelinde ey püser
Var‑durur bu nükte alursañ ḫaber